Maa!!!! ...meri Chai!!!!

Meethi dhoop
Yaar aasmaan
Sust pankha
Razdaar kothri
Chugalkhor almari

Gudgudata aangan
Jogi sawan

Dilruba raatein

Dulari daant
muskurati aankhein

Khamosh laad

Khele-khilaye jhagde

Jani- pehchani zid

Pakke dost - holi ke rang

Rui sa aanchal
Poojaghar ki tulsi
Aur nange paon- patang loot ta mera bachpan .

..Haan yaaron! Main ghar aa rahaa hoon.

Chalo khel khelein...

Kuch tum rootho
Kuch main manaoon

Kuch tum itraao
Kuch main gash khaoon

Tum moond lo palkein
Main unpe sitare sajaoon

Na tum haro
Na main jeetoon

Kuch pal tum
Kuch pal main jeeloon

Dil ke khel ki dillagi ho jaye
Kuch waqt ko tanhayi kho jaye

... Chalo khel khelein.